Ons is opgewonde oor elke reisiger wat ons Hawe binnekom. Ons wil graag hoor waar julle vandaan kom en hoe julle ons gekry het. Kom woon 'n erediens by en drink 'n koffie saam, of connect met ons op een van ons platforms.
Almal kort 'n gemeenskap. Hier is plek om jou ankers uit te gooi en tot rus te kom. Sommiges wil versorg word, ander wil toegerus word. Ons bied beide, hoe kan ons jou help?
Van selgroepe, Bybelstudiegroepe, kampgroepe en projekspanne, hier is tonne plekke waar jy deel kan raak van 'n klomp mense wat vir mekaar omgee en saam werk, speel en leef!
Ons gesels saam oor God en alles wat Hy ons bied, van die basiese geloofsdinge tot komplekse, teologiese debatte. Daar is werkswinkels en Bybelstudiegroepe vir elkeen.
Leer ken die mense, leer ken jouself en leer ken God.
Dis in die lewe van die Gemeente waar ons groei ervaar. Kom neem deel aan die verskeie bedienings, sosiale geleenthede, bedieningspanne en ander geleenthede waar ons as Gemeente saam leef en groei.