GOD RUS ONS TOE

WAAR ONS DIEN

DO(U)LOS
Beskerming teen die branders
Die Dolos se rol is om rustigheid te skep sodat skepe hulle besigheid in die hawe kan afhandel in vrede, veilig teen die branders. ‘n Dienskneg (Doulos in Grieks) se rol is om te dien waar nodig. Dié twee idees, Dolos en Doulos help ons dink aan ons rol om mense te dien, dan is ons die beskerming teen die lewe se branders.
VAAR IN en DIEN saam

ONS DIENS SAAM MET ANDER HAWENS NABY ONS

KLEUTER SKOLE
Die naaste kleuterskool in ons area is Inni-woud Kleuter Akademie, reg langs die kerkgeboue. Ons werk saam aan projekte en soek plek om mekaar te dien.
HULP
MES help ons verstaan hoe om effektief te help waar dit saak maak. Ons wil graag effektief deelneem aan die verligting van mense se nood. Armoede is ons grootste uitdaging, ons help met ander vorme van nood ook.
TUTELA
Tutela is ons kerkverband (NG Kerk) se voertuig om om te gee vir gesinne wat hulp kort in watookal vorm. Hulle verskaf voorsorg, maatskaplike dienste, berading en vele meer.
KINDERHUIS
Die kinders in ons gemeenskap wat vir wat ookal rede sonder huise opeindig lê na ons harte. Ons is in kontak met plaaslike Kinderhuise en kyk hoe ons hulle kan ondersteun.
BESKERMDE WERKSPLEK
Die Oos-Randse Beskermde Werksplek bied 'n veilige huisvesting en ontwikkeling vir volwassenes met gestremdhede.
OOS-RAND AKADEMIE
Oos-Rand Akademie is 'n privaatskool naby ons gemeente se geboue en is een van die skole waar ons per geleentheid kans kry om te bedien.
SENIOR TUISTES
Ons gemeente vat hande met senior tuistes in Bonaero-Park se omgewing waar ons weeklikse Bybelstudies en ander dienste aanbied.